នៅពេលគេនិយាយដល់ "ប្រជាពលរដ្ឋមានការយល់ដឹងទាប ឬការយល់ដឹងរបស់ប្រជាពលរដ្ឋមាននៅមានកំរិត"

នៅពេលគេនិយាយដល់ "ប្រជាពលរដ្ឋមានការយល់ដឹងទាប ឬការយល់ដឹងរបស់ប្រជាពលរដ្ឋមាននៅមានកំរិត
"ប្រជាពលរដ្ឋមានការយល់ដឹងទាប ឬការយល់ដឹងរបស់ប្រជាពលរដ្ឋមាននៅមានកំរិត

និយាយ និងពន្យល់ឲ្យស្រួលយល់ សូម្បីនៅសាំងហ្គាពួរក៏មានករណីបើកបរពេល
ស្រវឹងដែរ! ដល់អញ្ចឹង តើគេនឹងនិយាយថា គេនឹងពន្យល់ថាដោយសាប្រជាពលរដ្ឋ
ស៊ីងហ្គាពួរមានការយល់ដឹងទាបដែរឬ?

ចុះបើដឹង បើជ្រួតជ្រាបថាមានការយល់ដឹងនៅមានកំរិតទៅចុះ តើមានការរៀបចំ
មានគំនិត មានការប្រឹងប្រែង និងមានការផ្សព្វផ្សាយជាសកម្ម និងជាប្រចាំអ្វីខ្លះ?

ឧទាហរណ៍
-Singapore Reckless Drivers,
-http://www.ecda.gov.sg/Pages/ECC_14_Home.aspx
-http://www.moe.gov.sg/education/preschool/files/kindergarten-curriculum-framework-guide-for-parents.pdf
-http://parents-in-education.moe.gov.sg//
-http://schoolbag.sg/
-http://parents-in-education.moe.gov.sg/primary-education/how-can-i-support-my-child-s-growth-and-development/cyber-wellness
-http://www.straitstimes.com/news/singapore/more-singapore-stories/story/download-these-mobile-apps-government-services-the-go-20
-OneService Mobile apps
etc

"ប្រជាពលរដ្ឋមានការយល់ដឹងទាប ឬការយល់ដឹងរបស់ប្រជាពលរដ្ឋមាននៅមានកំរិត"
ដូចជាពាក្យដោះសា ឬលេសពិបាកទទួលយកណាស់! ហើយបើមើលដូចជា ផ្សាយ
ពាណិជកម្មគ្រឿងស្រវឹងដល់ចេះហោះ ផ្សព្វផ្សាយយ៉ាងគគ្រឹកគគ្រេងមានដាក់រង្វាន់
អីជាដើម បើមើលទៅឃើញលើគោក គឺផលអវិជ្ជមាន ផលប៉ះពាល់ដល់បុគ្គល ដល់
គ្រួសារវាច្រើន ហើយចឹងថា "ប្រជាពលរដ្ឋមានការយល់ដឹងទាប ឬការយល់ដឹងរបស់
ប្រជាពលរដ្ឋមាននៅមានកំរិត" ។ ក្រែងគេគ្រប់គ្រង និងបញ្ចៀស
បញ្ហា ហានិភ័យ និងគ្រោះថ្នាក់ឲ្យនៅអប្បរមាអី? អញ្ចឹងបានគេមានច្បាប់គ្រប់គ្រង
និងទទួលបានគ្រឿងស្រវឹង បារី និងក្លឹបសម្រាប់យុវវ័យក្រោម១៨ឆ្នាំយ៉ាងតិច! ក្មេង
វក់តែហ្នឹងសប្បាយ ហើយជាវ័យចង់សាក ចង់ដឹង តែបើធ្លាក់ញៀនគ្រឿងស្រវឹង
បើខ្វះការផ្សព្វផ្សាយអប់រំ ការយល់ដឹង និងការទទួលខុសត្រូវ គ្រឿងស្រវឹង និងក្លឹប
និងការសប្បាយហ្នឹងវាអាចធ្វើឲ្យសមត្ថភាពផ្តោតអារម្មណ៍ធ្លាក់ចុះ ការសិក្សាខ្លី បញ្ញា
ស្មារតីខ្លី ជំនាញខ្លី ហ្នឹងហើយបានគេនិយាយវាមានផលអវិជ្ជមាន មានផលប៉ះពាល់នោះ!

នៅបើស្រវឹងក៏ជិះលឿន ស្មារតីប្រុងប្រយ័ត្នក៏ធ្លាក់ចុះ ហើយបើផ្លូវឥតភ្លើងបំភ្លឺ
មានដង្ហុក គន្លុកសម្បុកមាន់ ឬជីករណ្តៅឥតដាក់ស្លាកសញ្ញាសម្គាល់ និងឡាន
ធំចតលើផ្លូវឥតភ្លើងបំភ្លឺអីទៀត តើវាមិនមានហានិភ័យ មិនគ្រោះថ្នាក់កាន់តែខ្ពស់ទេឬ?
តើមានការរៀបចំមានគំនិត មានការប្រឹងប្រែង និងមានការផ្សព្វផ្សាយជាសកម្ម និងជាប្រចាំអ្វីខ្លះ?
តើអ្នកណាមិនរៀនចេះ? តើអ្នកណាកើតមកចេះ? ក្រែងមិនរៀន
មិនចេះឬ? បើមិនប្រាប់ មិនបង្ហាញ មិនប្រឹងប្រែងប្រាប់ និងពន្យល់ តើឲ្យគេដឹង
ឲ្យយល់របៀបម៉េច? ឬក៏វាស្រួលដោយនិយាយ ដោយទម្លាក់ថា មកពី
"ប្រជាពលរដ្ឋមានការយល់ដឹងទាប ឬការយល់ដឹងរបស់ប្រជាពលរដ្ឋមាននៅមានកំរិត" តែម្តង?

បើនិយាយពីការជួបប្រជុំគ្រូបង្រៀន-អាណាព្យាបាល-សិស្សនុសិស្សសឹងអត់តែម្តង ។
ការប្រឹក្សានៅសាលា School Counseling (មិនមែនជាគំនិតថ្មីអីទេ គេធ្វើយូរយារណាស់
មកហើយ!) ហើយបើមានវេទិកាសាធារណ: ហេតុអ្វីមិនបញ្រ្ជាប មិនផ្សព្វផ្សាយ?
ចុះបណ្តាញសង្គមហ្រ្វីៗ មានFacebook មានYoutube អី ម៉េចក៏មិនប្រើ មិនទាញយក
ផលប្រយោជន៍?


សូមលះបង់ទៅ ឈប់ទៅល្បែងចិត្តសាស្រ្ត ល្បែងដណ្តើមប្រជាប្រិយភាពដោយ
មិនច្បាស់លាស់ ដោយមិនទទួលខុសត្រូវអីនោះ ។ កុំចាំតែបង្ហោះខ្លែង ចាំមើល
ទិសខ្យល់ អាលនឹងងាកយកប្រជាប្រិយទោះឈ្លោះគ្នាអី ទោះមិនដឹងច្បាស់លាស់
អី អត់កើតទេ! អញ្ចឹងបានគេទាមទារការបើកចំហ ការទទួល និងផ្តល់ព័ត៌មានដោយ
ឥតលាំងបាំង ភាពច្បាស់លាស់ ដំណោះស្រាយច្បាស់លាស់ និងអ្វីៗច្បាស់លាស់
និងប្រកបដោយការទទួលខុសត្រូវខ្ពស់នោះ!