សំណូមពរក្នុងកំណែទម្រង់ប្រព័ន្ធអប់រំ

សំណូមពរក្នុងកំណែទម្រង់ប្រព័ន្ធអប់រំ

សូមសាកគិតទាំងអស់គ្នា ។ ប្រសិនបើអ្នកមានអ្នកឯកទេស និងអ្នកជំនាញ (Specialist/Expert) រហូតដល់២០០០ (ពីរពាន់)នាក់ទៅចុះ តើត្រូវចំណាយពេល
ប៉ុន្មានទើបអាចដើរបង្រៀន និងចែកចំណេះដឹងឲ្យបានគ្រប់សាលា? តើធ្វើ
ម៉េចអាចយកចិត្តទុកដាក់ដល់កូនសិស្សដោយសមត្ថភាពជំនាញរបស់
ពួកគេបានជាប្រចាំថ្ងៃ? តើត្រូវធ្វើម៉េចបើសិនជាអ្នកឯកទេស និងអ្នកជំនាញ
មានគោលដៅ និងសុឆន្ទ:ចង់យកចិត្តទុកដាក់ បង្រៀន និងចែកផ្ទេរចំណេះដឹង
ដល់កូនសិស្សដើម្បីធ្វើបណ្តុះទំពាំងស្នងឬស្សីឲ្យរឹងម៉ាំ?

ខ្ញុំសូមជូនជម្រើសដោយបង្កើតជាវិបសាយ និងកម្មវិធីដែលអាចយកមកប្រើបាន
នៅក្នុងទូរស័ព្ទទោះមាន ឬគ្មានអ៊ីនធើណែតបន្ទាប់ពីDownload ដូចក្នុងកម្មវិធី Play Store របស់Android ឬYoutube ។ ឧទាហរណ៏គឺ iStoryBooks or 123s & ABCsដែលគេបង្កើតយើងអាចDownloadយកមករៀន/បង្រៀនអានជាស្វ័យសិក្សា និងជាការបង្រៀនបន្ថែមដោយអាណា
ព្យាបាល ។ ការបង្កើតនេះស្រដៀងនឹង Common Core State Standards របស់
ប្រព័ន្ធសិក្សាសហរដ្ឋអាមេរិក (Deeply grateful to Mr. Bill Gates) ដែលចុះកាល
បរិច្ឆេទថ្ងៃទី ២ មិថុនា ឆ្នាំ ២០១០ ។ (....To develop these standards, CCSSO and NGA Center worked with representatives from participating states, a wide range of educators, content experts, researchers, national organizations, and community groups. These final standards reflect the invaluable feedback from the general public, teachers, parents, business leaders, states, and content area experts and are informed by the STANDARDS OF OTHER HIGH PERFORMING NATIONS. )

[សូមរំលឹកបើអ្នកសួរស្រ្តីចិនដែលទើបចប់បរិញ្ញាបត្រថាគេនឹងរៀបការភ្លាមៗ
ពួកគេនឹងឆ្លើយថាទេ ពីព្រោះជីវភាពជានិស្សិតរបស់ពួកគេតាំងពីថ្នាក់តូចមក
គឺឈឺក្បាល មានការប្រកួតប្រជែង និងតានតឹងដោយសាប្រព័ន្ធអប់រំតឹងតែង
របស់គេ ។ បន្ទាប់ពីចប់ការសិក្សាពួកគេមានទំនោរចង់បានជីវភាពឯកជន
និងជីវិតគូរដែលពួកគេចង់បានតែមិនមែនចាប់ដាក់ទេ ។ ឯស្រ្តីកូរ៉េខាងត្បូង
ដូចគ្នាដែលគេឲ្យតម្លៃការសិក្សាអប់រំ យកជំនាញ និងយកអាជីពមុនរៀបអា
ពាហ៏ពិពាហ៏ ។ អាយុ ២៨ ទៅ ៣០ជាងជារឿងធម្មតាសម្រាប់រៀបការ ។ ប្រទេស
ស៊ីងហ្គាពួរមិនបាច់និយាយមានមោទនភាពនឹងប្រព័ន្ធអប់រំរបស់ខ្លួន ។ លោក
Bill Gates ថាប្រព័ន្ធអប់រំអាមេរិកត្រូវត្រៀមលក្ខណ:កូនសិស្សខ្លួនដើម្បីប្រកួត
ប្រជែងលើពិភពលោកបាន ចំណែក Mr. President Obama ថាប្រព័ន្ធអប់រំ
សហរដ្ឋអាមេរិកជា World-Class Educationហើយថ្មីៗនេះលោកបានគាំទ្រ
និងជម្រុញបង្កើត Innovation Centers បើទោះមិនទាន់បានបង្កើតទូលំ
ទូលាយនៅគ្រប់រដ្ឋ ។ ប្រព័ន្ធអប់រំនៅកម្ពុជា? គួរតែមានគោលដៅទូលំទូលាយ
និងប្រើប្រាស់ធនធានទាំងអស់ដែលមាន និងប្រើប្រាស់ប្រកបដោយប្រសិទ្ថភាព
ខ្ពស់ហើយ ។ ]

ចំណុចខាងក្រោមជាសំណូមពរ ផលវិបាកប្រឈម និងដំណោះស្រាយជូនក្រសួង
អប់រំមានដូចជា :

សំណូមពរ- ១)បង្កើតធនាគារខួរក្បាល Think Tan ឬក្រុមការងារ Working Groups សម្រាប់សិក្សា ស្រាវជ្រាវមេរៀន អត្ថបទ លំហាត់ របកគំហើញ បញ្ហាគ្រោះ
ថ្នាក់ផ្សេងៗ និងល្បែងល្បងប្រាជ្ញា និងចងក្រងនៅក្នុងវិបសាយសម្រាប់សិស្ស
ពីថ្នាក់ទី១-១២ លើមុខវិជ្ជា ក)គណិតវិទ្យា ២)អក្សសាស្រ្ត ៣)សីលធម៌ ៤)ភាសា
អង់គ្លេស និង៥) កុំព្យូទ័រ ។ វិបសាយអាចជា Platform ឬChannels ដែលកូនសិស្ស
អាណាព្យាបាលអាចលើកជាសំណួរ លោកគ្រូអ្នកគ្រូអាចចែករំលែកលំហាត់បន្ថែម
និងដោយមានចម្លើយពីអ្នកឯកទេស ។ វិបសាយអាចងាយស្រួលរក និងទំនាក់
ទំនងដូចជាអាចលើកសំនួរដែលវិបសាយអាចនាំទៅរកតំណរភ្ជាប់ Linkសម្រាប់
អត្ថបទ និងការពន្យល់ ។ ការសហការណ៏រវាងសាលា គ្រួសារ អ្នកឯកទេស និង
វិបសាយសំខាន់សម្រាប់ជម្រុញគុណភាពសម្រាប់អប់រំទាំងអស់គ្នា ។ ក្នុងរយះពេល
៣-៥ឆ្នាំ ក្រសួងអប់រំនឹងមានវិបសាយជាប្រភពឯកសារដ៏សម្បូរបែបសម្រាប់សិស្ស
ថ្នាក់ទី ១-១២ដែលបង្ហាញពីការយកចិត្តទុកដាក់ចំពោះវិស័យអប់រំក្នុងទស្សន:
វិស័យវែងឆ្ងាយ និងដែលមានឥទ្ធិពលវិជ្ជមានមានវិសាលភាពគ្របដណ្តប់
ទូទាំងប្រទេសសម្រាប់កូនសិស្ស អ្នកអប់់រំ និងអាណាព្យាបាល ។

២) សំណូមពរការគាំទ្រ និងឧបត្ថមទុន សម្ភារ: និងសមត្ថភាពជំនាញ ពីថ្នាក់ដឹកនាំជាតិ អ្នកឧកញ៉ា អង្គការសង្គមស៊ីវិល អង្គការអភិវឌ្ឃន៏ដៃគូរនានា លោកគ្រូអ្នកគ្រូ អាណាព្យាបាលសិស្ស និងអ្នកជំនាញ/ឯកទេសលើមុខវិជ្ចាមួយៗ ។

ផលលំបាកប្រឈម-
ក) អ្នកបច្ចេកទេស អ្នកជំនាញតាមមុខវិជ្ជា គណិតវិទ្យា អក្សរសាស្រ្ត សីលធម៌
ភាសាអង់គ្លេស និងកុំព្យូទ័រ ។

ខ) អ្នកបច្ចេកទេសតម្លើង ថែទាំ និងគ្រប់គ្រងវិបសាយ និងក្រុមការងារអ្នក
ឯកទេសពន្យល់ និងបកស្រាយពេលមានសំណួរ ឬការយល់មិនច្បាស់ ។

គ) ពេលវាលាព្រោះត្រូវស្រាវជ្រាវ តាមដានលើវិបសាយ និងឆ្លើយតប ។ ដូចនេះ
ក្រុមអ្នកបច្ចេកទេស ជំនាញ (Specialist/ Expert)ទាមទារការធ្វើការជាប់
លាប់ដូចបុគ្គលិករដ្ឋធម្មតាបើទោះជាប្រាក់ខែខ្ពស់ទៅតាមជំនាញ និងបទពិសោធន៏របស់ពួកគេ ។ សមត្ថភាពជំនាញ មនសិការ និងទំណួល
ខុសត្រូវខ្ពស់ទាមទារជាដាច់ខាត ។

ឃ)ថវិការចំណាយលើអ្នកក្រុមការងារអ្នកបច្ចេកទេសតាមមុខជំនាញ និងអ្នក
បច្ចេកទេសកុំព្យូទ័រ (វិបសាយអាចភ្ជាប់នឹងទូស័ព្ទ Mobile Version នឹងអាច
ទូរស័ព្ទDownload ទុកប្រើទោះមានឬគ្មានអ៊ីនធើរណែត ងាយស្រួល និងបន្ថយ
ការចំណាយសម្រាប់អ្នកនៅជនបទ ។)

ដូចបានបញ្ជាក់ខាងលើក្នុងរយះពេល៣-៥ឆ្នាំ ក្រសួងអប់រំនឹងមានវិបសាយជាប្រភពឯកសារដ៏សម្បូរបែបសម្រាប់សិស្ស
ថ្នាក់ទី ១-១២ដែលបង្ហាញពីការយកចិត្តទុកដាក់ចំពោះវិស័យអប់រំក្នុងទស្សន:
វិស័យវែងឆ្ងាយ និងដែលមានឥទ្ធិពលវិជ្ជមានមានវិសាលភាពគ្របដណ្តប់
ទូទាំងប្រទេសសម្រាប់កូនសិស្ស អ្នកអប់់រំ និងអាណាព្យាបាល ។
និងសូមសំណូមពរយ៉ាងទទូចចំពោះការគាំទ្រ និងឧបត្ថមទុន សម្ភារ: និងសមត្ថភាពជំនាញ ពីថ្នាក់ដឹកនាំជាតិ អ្នកឧកញ៉ា អង្គការសង្គមស៊ីវិល អង្គការអភិវឌ្ឃន៏ដៃគូរនានា លោកគ្រូអ្នកគ្រូ អាណាព្យាបាលសិស្ស និងអ្នកជំនាញ/ឯកទេសលើមុខវិជ្ចាមួយៗ ។