ការអប់រំ និងវដ្តវិលជុំ

ការអប់រំ និងវដ្តវិលជុំ

ដើម្បីជៀសវាងវដ្តវិលជុំដែលប្រើកម្លាំងបាយ និងហិង្សាដោះស្រាយបញ្ហានៅក្នុងសង្គម
ជាតិ រឿងតូចតាចនេះពិតជាមិនអាចរំលងបានទេ :

នៅតាមទីសាធារណ: ឬនៅផ្ទះគេច្រើនលឺការហៅ ប្រដៅ និងហាមក្មេងៗដោយពាក្យ "អា
ហែង អាមឹង និងពាក្យមនុស្សចាស់ថាអញ " ដែលសុទ្ធជាពាក្យគ្រោតគ្រាតបង្កប់ដោយ
ការប្រើកម្លាំងបាយ និងហិង្សា ។ ការប្រដៅខ្លះមិនថានៅទីសាធារណ:គឺបន្ទាប់ពីប្រើ
អាម្មណ៏ កំហឹងជេរ បញ្ចោរ ហើយគឺប្រាកដជាវ៉ៃស្តីប្រដៅយ៉ាងចាស់ដៃ ។ ភាគច្រើនច្រើនតែ
ការស្តីប្រដៅគឺនាំមុខដោយ "វ៉ៃឥឡូវ ត្រូវរំពាត់ឥឡូវ មាំងឥឡូវ ថប់តែទប់ចិត្តមិនបាន
ត្រូវឥឡូវ ។ល។ " គឺនាំមុខដោយអារម្មណ៏ហិង្សា និងកម្លាំងបាយ និងបន្ទាប់មកតែប៉ុន្មាន
វិនាទីគឺវ៉ៃមែន គឺប្រើកម្លាំងបាយ និងហិង្សាតែម្តង ។ អ្នកខ្ខះពេញចិត្តការជេរបញ្ចោរ និង
វ៉ៃដោយស្តីប្រដៅដោយអះអាងថា "ក្មេងខូច ក្មេងក្បាលរឹងទាល់តែវ៉ៃស្តីប្រដៅឲ្យរាងចាល
អញ្ចឹង ។" នេះជាផ្នត់គំនិត និងទម្លាប់ដែលត្រូវតែកែប្រែ ។

ដំដែកទាន់នៅក្តៅ ប្រដៅមនុស្សទាន់នៅក្មេង ។ តែមិនមែនទម្លាប់ភ្លឹបឡើងប្រើតែ
អារម្មណ៏ យល់តែអារម្មណ៏ខ្លួនឯងភ្លឹបឡើងជេរ ភ្លឹបឡើងគំហក និងវ៉ៃទេ ។ យើងគួរ
ស្ងប់ចិត្តខ្លួនឯង សួរខ្លួនឯងពីមូលហេតុ សួរក្មេងពីមូលហេតុ ស្វែងយល់ពីចិត្តយើង
និងចិត្តគេ ។ តើយើងអាចទទួលស្គាល់ថាយើងយល់តែពីអារម្មណ៏ខ្លួនឯង ចិត្តខ្លួន
ឯង ការពេញចិត្តតែភាគីខ្លួន ហើយមានទម្លាប់មិនល្អភ្លឹបឡើងជេរ វ៉ៃប្រកបដោយ
ហិង្សា និងការប្រើកម្លាំងបាយឬទេ? សូមស្ងប់ចិត្តខ្លួនឯងជាមុន ជម្រុះចោលការ
ជេរបញ្ចោរ និងវ៉ៃ ។ ស្ងប់ចិត្ត អង្គុយចុះទាំងអស់គ្នា និយាយពីមូលហេតុ ប្រាប់ពន្យល់
ជារឿយៗថានេះត្រូវ ឬខុស ច្រង៉េងច្រង៉ាងយ៉ាងម៉េច អាចគ្រោះថ្នាក់យ៉ាងម៉េច
មិនគួរគិតតែពីលេងសប្បាយមិនគិតយ៉ាងម៉េច ។ល។ សូមកុំភ្លេចពីការធ្វើជាគំរូ
បើទោះជាត្រូវទទួលស្គាល់ថា "ពុតគ្រូកុំត្រាប់ ច្បាប់គ្រូឲ្យយក ។" ការចំណាយពេល
នៅជាមួយគ្នាបន្ថែមលើការយកចិត្តទុកដាក់ ការបណ្តុះ និងបញ្រ្ជាបទម្លាប់ល្អ
ដូចជាការអានសៀវភៅ អានសៀវភៅឲ្យគេស្តាប់ ហាត់កីឡា និងបង្រៀនពីការ
ទទួលខុសត្រូវចាំបាច់ណាស់ ។ ដូចជាអ្នកចង់បានទឹកស្អាតពីទឹកកខ្វក់អញ្ចឹងគឺ
ត្រូវមានតម្រង (Filter) ដើម្បីចម្រាញ់ធាតុកខ្វក់ដើម្បីបានទឹកស្អាតប្រើប្រាស់ ។ ល្អ
និងអាក្រក់ជាគូរ នៅក្បែរគ្នា ដូច្នេះបើធាតុ (ទម្លាប់ មជ្ឈដ្ឋាន) មិនល្អច្រើន
ហើយយើងមិនដឹង មិនគ្រប់គ្រងចេះតែបណ្តោយឲ្យទទួលយក (ក្មេងជាក្រដាស់
ក្រណាត់សងាយទទួលឥទ្ធិពល ហើយពិតណាស់របស់ថ្មីៗ ស្ករគ្រាប់ និងលេងជា
គ្រឿងទាក់ទាញក្មេងៗយ់ាងងាយ និងសូមទទួលស្គាល់ថាទម្លាប់អាក្រក់ងាយ
ដុះដាលណាស់ ។ ទម្លាប់ល្អត្រូវការការយកចិត្តទុកដាក់ វិន័យ ការធ្វើសកម្មភាព
ជាក់លាក់ និងការបែងចែកពេលវេលាមានប្រសិទ្ធិភាព ។ អ្នកនឹកឃើញរឿងចចក
ពីរនៅក្នុងខ្លួនយើងទេ នោះមិនខុសពីថាមពលវិជ្ជមាន និងអវិជ្ជមាន ។ យើង
ចិញ្ចឹម យើងទម្លាប់ និងទំនោរទៅខាងណា ថាមពលនោះនឹងមានប្រៀប ។ ) គឺ
មិនល្អ និងគ្រោះថ្នាក់ខ្លាំងណាស់ ។

សូមជម្រុះចោលទម្លាប់ប្រើអារម្មណ៏ យល់តែពីចិត្តខ្លួនឯងដោយភ្លឹបឡើងស្រែកគំហក
គំរាម និងវ៉ៃ ។ សូមស្ងប់ចិត្ត ស្វែងយល់ ថ្លឹងថ្លែង អង្គុយជជែកពិភាក្សា ប្រាប់
ពន្យល់ជារឿយៗ ធ្វើជាគម្រូល្អ និងចំណាយពេលនៅជាមួយពួកគេ ។ ទំនោរ និង
ទម្លាប់ប្រើកម្លាំងបាយនាំដល់វដ្តវិលជុំវិលចុះវិលឡើងដោយប្រើហិង្សា និងកម្លាំងបាយ
ក្នុងការដោះស្រាយបញ្ហា ។ ប្រវត្តិសាស្រ្តដែលប្រើកម្លាំងបាយ និងហិង្សាបាននាំមកនូវ
វិនាសកម្ម និងអំពើប្រល័យពូជសាសន៏ឯងគ្រប់គ្រាន់ហើយ ឆ្អែតឆ្អន់ហើយ និងទ្រុឌ
ទ្រោមសឹងក្រាបដល់ដីហើយ ដូច្នេះល្មមដល់ពេលចាកចេញពីវដ្តវិលជុំដ៏ពិសពុលគ្មាន
មនុស្សធម៌នេះហើយ ។

ទន្ទឹមនឹងនេះ សូមចូលរួមចំណែកជម្រុញច្បាប់អហិង្សាសម្រាប់ការអប់រំនៅផ្ទះ និងនៅ
សាលា ក៏ដូចជាការសហការណ៏នៃភ្ងាក់ងារអប់រំទាំងគ្រួសារ សាលា និងរាជរដ្ឋាភិបាល ។
វត្តមានច្បាប់គ្រប់គ្រងគ្រឿងស្រវឹង បារី និងចូលក្លឹបរបស់យុវវ័យក្រោមអាយុ ១៨ឆ្នាំចាំ
បាច់ខ្លាំងណាស់ និងពិតជាមិនអាចមើលរម្លងបានគឺប្រព័ន្ធអប់រំ និងប្រព័ន្ធផ្សព្វផ្សាយ
ដែលត្រូវការការសហការណ៏ក្នុងការបណ្តុះ និងបញ្រ្ជាបសមាជិកសង្គមពីច្បាប់ មនសិការ
និងការទទួលខុសត្រូវក្នុងវិជ្ជាជីវ: និងក្នុងនាមជាប្រជាពលរដ្ឋនៃជាតិសាសន៏មួយ ។
សូមបើមិនអាចធ្វើអ្វីល្អ ឬវិជ្ជមានដល់សង្គមជាតិអ្នក កុំធ្វើអ្វីកាន់តែអាក្រក់ ។ សូម
រួមចំណែកជាវិជ្ជមាន ជាដំណោះស្រាយបញ្ហា ដោយកុំជាចំណែកធ្វើឲ្យបញ្ហាកាន់តែចាក់
ស្រេះ ។ យើងជាសមាជិកសង្គមមានកាតព្វកិច្ច និងតួនាទីដែលត្រូវធ្វើ (Everyone has
a role to play.)

សូមជួយណែនាំ ។ សូមអរគុណ ។